AZKEN ATAL APLIKATUA

PROIEKTUAREN AZALPENA:

Gure proiekturako volleyball talde bat sortzea erabaki dugu; hau da, eskolaz kanpoko ekintza bat, non astean birritan entrenatuko den. Honen bidez, parte hartzea, errespetua, kirolaren balioak, …sustatu nahi ditugu; izan ere, ikasleei balore hauek erakustea edo transmititzea ezinbestekoa dela iruditzen zaigu eta kirola honetarako paregabea dela pentsatzen dugu. Kirola dirua irabazteko ez ezik, ikasleak etorkizun on bat izateko asmoz, hezitzeko tresna dela deritzogu.

Gure proiektua ez dugu ikastetxe zehatz baterako egin; edozein ikastetxerako bideratuta egon daitekelako eta guztien parte hartzea sustatu nahi genuenez, edozein ikastetxeko ikasle parte hartu ahal izango du, kultura aniztasuna eta inklusibitatea lantzeko asmoa geneukalako. Proiektu hau zentro kontzertatu edo pribatu batean egitekotan, gure asmoa izango litzateke aukera ematea zentro horietako ikaslek ez direnei proiektuan parte hartzeko. Apuntatzen diren ikasleen adina ikusita (hasiera batean 6 urtetik 12 urtera bitartean), talde mistoak sortuko genituzke.

Hala ere, EAEko ikastetxe batean zentratu gara, euskararen erabilera sustatu nahi dugulako, kultura ezberdinetako pertsonen artean.

Familien egoera sozio-ekonomikoak gure proiektuan, ez du eraginik izango; izan ere, proiektu hau aurrera eraman ahal izateko hainbat erakundeek esku hartuko dute diru laguntzak eskainiz; adibidez: udaletxea. Egoera sozialak ere, ez du eraginik izango edozein kulturako, herrialdeko, jatorriko,... ikasleak bertan parte hartu ahal izango dutelako.

ANALISIA:

• HELBURUAK:

Sortutako proiektuak, zentroko helburuekin harreman zuzena duela esan beharra dago. Aztertzen hasi baino lehen, proiektuaren helburuak aipatuko dira:

• Euskararen erabilera sustatu.
• Pertsonek euren konpromesua hartzea, antolatu beharra.
• Kidea arduratsu bezala agertzea, lankidetza sustatu.
• Bakoitzaren interesetatik at eraikitzeko ahalmena sustatu eta denontzako onurak bilatzen dituen pertsonak eraiki
• Emozioekin lan egitea, hauen egonkortasuna bilatuz taldekide bakoitzean.
• Jarrera positiboak jorratzea, taldekideek aurrerapenak ikustean.
• Errespetua jorratu.
• Bizikidetza sustatu

• Heziketa fisikoa sustatu.

Hasteko, kirol taldea eskolaz kanpoko ekintza izanik, heziketa fisikoa sustatu arren, euskaraz egingo dela esan beharra dago, horregatik euskararen erabilera sustatuko da, haurrei euskaraz egitea behartuko zaielako.

Kirol bat praktikatzerako orduan, konpromesua eta ardura izatea ezinbestekoa da; entrenamenduetara joaterako orduan, partiduetara… honek haurrengan antolakuntza eta konpromesua izatera behartzen du. Hau guztia kontuan hartuta, emaitza pozgarriak egongo dira, haurrak motibatuz.

Talde kirola izanik, talde lana jorratzeaz aparte, bakoitzak bere interesetatik at ikusteko ahalmena sustatzen da; taldea izanik, kideek besteen onurak bilatuko dituzte, azkenean denon onurak lortuz. Honekin batera, kideekin hainbeste gauzak bizitzerako orduan (partidak irabazi, galdu, giroa animatu…) emozioak ateratzen dira, hau haurretan oso garrantzitsua izanik. Honek guztiak haurra motibatzen du, eta haurra motibatuta ez badago, entrenatzaileen helburua, jarrera positiboak jorratzea izango da.

Kirola egiterako orduan errespetua ezinbestekoa dela esan beharra dago, gainera horretarako entrenatzaileak egongo dira. Hauek arauak ezarriz eta bizikidetza on bat egotearen arduratsuak izango dira. Beste aldetik, bizikidetza ere beste eskoletako haurrak sartzerako orduan sustatzen da.

• BALIABIDEAK:

Giza baliabideei dagokienez, udaletxeak baliabide funtzionalak antolatzen ditu, guztien beharretara, taldeari babes ekonomikoa emateko. Beraz honen parte hartzea ezinbestekoa dela esango genuke. Hala ere, parte hartzen duten ikasleen gurasoek, hilabetean behin dirua eman behar dutenez, ekonomiaren sostenguan lagunduko duten zati garrantzitsua izango dira. Koordinatzailearen esku hartzea ezinbestekoa izango da; izan ere, bera taldearen nondik norakoak antolatu eta zehazteko baliabideak ditu. Entrenatzaileak, jokoa ezagutzen diren adituak izanik, irakasteko gaitasuna daukate. Volleyball-eko arduradunak beste ikastetxeekin harremanetan jarriko da, ikasleak ikasitakoa praktikan jartzeko, kirol honen praktikotasuna sustatzeko.

Baliabide materialei dagokienez, egoera hau, eskolan kokatzen da. Hain zuzen ere, volleyball-era jolasteko prestatuta dagoen zelaian. Kirol honetan aritzeko, ezinbestekoa den materiala honako hau da: volleyballeko sarea eta hau eusteko oinarriak eta zutoinak (makilak) , egokituta dagoen pilota eta egokiak diren jantziak (belaunetakoak, beharrezko elastikoak, bakoitza bere zenbakiarekin eta aproposak diren oinetakoak)

Baliabide funtzionalei dagokienez, diru inbertsioa egin beharko lirateke. Batez ere, proiektuaren hasieran, beharrezko materiala erosteko (bai jantziak baita beste material guztia ere). Denbora pasa ahala, gastuak murriztuz joango dira; hala ere, materiala berristeko gastuak beharrezkoak izango dira. Jantzien erosketa, haien esku geratuko da; hala ere, hilero ume bakoitzeko 10€ ordaindu beharko dituzte. Denbora aldetik, astean birritan entrenatuko dute (4 ordu astero), larunbatetan egingo diren beste taldeen kontrako partiduak kontuan izan gabe. Parte hartzen duten prestakuntza behatzean, esan beharra daukagu, prestakuntza behar duten bakarrak entrenadoreak direla; batez ere, umeekin pazientzia eduki behar dutelako, eta baita volleyballan jolasteko arauak jakin behar dituztelako.

• EGITURA:

Egiturari dagokionez, proiektu honetan ondorengo hauek hartzen dute parte: Ikastetxeko kirol koordinatzailea, Volleyball-eko arduraduna, taldeko entrenatzailea, gurasoak eta udaletxea.

• Koordinatzaileari dagokionez, kirol guztietako ordutegiak eta materiala modu egoki batean antolatzen ditu, bai entrenamenduena eta baita partiduenak ere. Kirol honetarako kantxa bakar bat dagoenez eta sei taldek praktikatzen dutenez, garrantzitsua da antolaketa on bat.   

• Volleyball-eko arduradunak taldean parte hartu nahi duten umeen antolakuntzaz arduratzen da, adina eta sexua kontuan izanik. Arduradun honen rola da beste ikastetxeekin kontaktuan egotea partida eta txapelketa ezberdinak antolatzeko.

• Talde bakoitzak bi entrenatzaile edukiko ditu, kirolean adituak direnak. Entrenatzaile guztien ardura da ikasle horiek prestatzea garapen fisiko eta pertsonalean.

• Udaletxeari dagokionez, proiektu honetan honen betebeharra izango da babes ekonomikoa ematea, hau da, proiekturako beharrezkoak izango diren diru-laguntzak ematea. 

• Gurasoei erreferentzia eginez, esan beharra dago egituraren zati garrantzitsu bat direla. Izan ere, gurasoak izango dira proiektua hau aurrera eraman ahal izateko diruaren zati bat emango dutenak. Hauek ere egituraren zati izango dira haien usteak eta iritziak kontuan izango direlako momentu oro proiektua hobetzeko asmoz.

• TEKNOLOGIA:

Haurrak izanik eta eskolaz kanpoko ekintza izanik ere, entrenamenduetan zerrenda pasatuko da, nor dagoen eta nor ez dagoen apuntatuz. Honen bidez, kontrola egongo da, eta gurasoek teknikoki haurren kontrola izango dute. Gainera kontuan hartu behar da adin gutxiko haurrak direla.

Beste aldetik, apuntatzen diren haurren arabera, taldeak antolatuko dira. Hau ezin da jakin proiektua atera arte, beraz momentuz erantzunik gabekoa da. Behin zerrenda izanda, taldeak antolatuko dira, taldeka gutxi gora-behera 7-10eko kidez osatuz. Taldeko 2 entrenatzaile bilatuko dira.

Ondoren, ordainketaren kontuak direla eta, interneteko diru-sartzearen bitartez egingo dira. Alde batetik eskolako haurrek, eskolaren bidez ordainduko dute hilero (20 euro), eskolan ikasten ez duten haurrek aldiz, interneten bidezko diru-sartzea erabiliko dute ordaintzeko.

• KULTURA:

Kulturaren helburua balioak, ohiturak, sinismenak, e.a. sustatzea da. Proiektu honi erreferentzia eginez, bertan kultura sustatzeko modua ondorengoa da; kirolaren balioak oinarritzat hartzeaz gain (diziplina, elkarbizitza, esfortzua, talde sentimendua…) egunerokotasunerako baliagarriak izan daitezkeen printzipioak sustatzea.

Kulturaren bidez, guztion artean sustatu behar dute parte hartze aktiboa kirolean. Kirol hau taldekoa denez, talde lanerako egokia dela uste dugu. Umeek beraien arteko erlazioa indartzen dute, jakin behar dute lehenengo momentutik talde bat direla eta haien artean errespetuz jokatu behar dutela.

• INGURUNEA:

Gure proiektua aurrera eramango duen ikastetxea publikoa da, hori dela eta, maila sozioekonomiko ezberdineko ikasleak daudela esan dezakegu. Kultura desberdinak ere antzeman ditzakegu; izan ere, beste herrialde batzuetatik etorritako ikasleak daudelako. Hala ere, gure proiektuan ez du eraginik izango, aniztasuna sustatzea gure helburuetariko bat da eta.

Edozein inguruan kokatuta dagoen ikastetxean esku hartu nahi dugunez, inguru hurbilaren aspektuak ez dute eragin handirik izango; hala ere, ezinbestekoak diren baldintza batzuk daude; hala nola, jolasteko egokituta dagoen zelaia, hau da, zelaia zehaztuta daukana eta bertan zutoinak (makilak) jartzeko baliabidea; bai zelaian bertan eginda dauden bi zulo edo baita bi gurdi, zutoinak sostengatzeko.

ATAL ANALITIKOA

IKER ABAL	IÑIGO ALVAREZ	KIMBERLY CASTRO	IOSU DIAZ	MARIA GOMEZ	UXUE GUARROTXENA	ELENA GUIJARRO
HELBURUAK	HELBURUAK	HELBURUAK	HELBURUAK	HELBURUAK	HELBURUAK	HELBURUAK
BALIABIDEAK	BALIABIDEAK	BALIABIDEAK	BALIABIDEAK	BALIABIDEAK	BALIABIDEAK	BALIABIDEAK
EGITURA	EGITURA	EGITURA	EGITURA	EGITURA	EGITURA	EGITURA
TEKNOLOGIA	TEKNOLOGIA	TEKNOLOGIA	TEKNOLOGIA	TEKNOLOGIA	TEKNOLOGIA	TEKNOLOGIA
KULTURA	KULTURA	KULTURA	KULTURA	KULTURA	KULTURA	KULTURA
INGURUNEA	INGURUNEA	INGURUNEA	INGURUNEA	INGURUNEA	INGURUNEA	INGURUNEA

HELBURUAK: 

Guk aukeratutako helburuak Iker Abalenak izan dira. Atal honetan, guztionak oso antzekoak ziren eta oso zaila egin zaigu bat aukeratzea. Azkenean, honek hartzea erabaki dugu era egoki batean idatzia egoteaz gain, atal hau garatzeko erabili duen egitura oso aproposa dela iruditu zaigulako. Baita ere, helburuak aipatzeaz gain, zuzentazunez azaldu dituelako; ulertu izanaren ebidentziak aurkeztuz.

BALIABIDEAK: 

Baliabideei dagokienez, Elenarena aukeratzea erabaki dugu; nahiz eta hemen ere guztionak oso antzekoa izan. Azkenean, hau aukeratzea erabaki dugu baliabide mota bakoitza toki egokian jarri duelako eta, beraz, ondo ulertu izanaren ebidentziak aurkeztu ditu. Honetaz gain, baliabide bakoitza aipatzeaz gain, hauek nola erabili diren azaldu du.

EGITURA: 

Taldekide guztien egiturak aztertu ondoren, Iker Abalena aukeratu dugu, egituraren barnean azaldu behar diren atal guztiak ondo, modu sinple eta argi batean azalduta daudelako. Honekin batera, egituraren barnean esku hartzen duten indibiduo bakoitzaren papera egoki azaltzen duela uste dugu.

TEKNOLOGIA: Teknologiari dagokionez, Kimberlyrena aukeratu dugu irizpide guztiak betetzen dituelako. Izan ere, kontakizunean sortzen den arazoari aurre egiteko azaltzen du modu argian erabilitako irtenbide teknikoa. Irtenbide tekniko bat zer den eta irtenbide teknikoa noiz ez den gertatzen ondo ulertzen du.

KULTURA: 

Kultura aldagaiari dagokionez, Elenarena aukeratu dugu. Lehenik eta behin, kulturaren definizioa aipatzen duelako eta ondoren horretan oinarrituz bere egoerari erreferentzia egiten dio. Horretaz gain, besteak baino azalpen argiagoak dakartzala pentsatzen dugu, eta kulturaren atala egokitasun handiz garatu duelako.

INGURUNEA: 

Inguruneari dagokionez, Elenarena aukeratu dugu  osatuena dela uste dugulako. Izan ere, ez ditu ikastetxearen ezaugarriak soilik aipatzen, (gehienok egin dugun bezala), kontakizunaren protagonistaren ezaugarriak azaltzen ditu baita ere. Hori garrantzitsua dela uste dugu, zeren eta, narrazioaren arazo nagusia protagonistaren jarrera desegokia da, eta jarrera desegoki hori, mutil horren ingurunearen ondorioz sortutakoa da.

KIMBERLY CASTRO PEREIRA- TEKNOLOGIA

TEKNOLOGIA: Zein(tzuk) erlazio bila daite(z(ke kasu honetan?

Teknologiari dagokionez, zuzendaritza taldeak errudunen gurasoekin izandako bilera aipatu dezaket. Teknologiaren barnean sartuko nuke egoeraren atal hau gurasoei deitzea eta beraiekin bilera izatea horrelako egoera baten erantzun teknikoa delako; hau da, nahiz eta errudunak beste batzuk izan edo zuzendaritza taldeko kideak beste batzuk izan; hau burutu egingo zen; egoera hauen aurrean eskolan inposatutako erantzun tekniko bat baita; erantzun tekniko honen helburua gurasoak informatzea izanik.

Beste alde batetik, atal honetan aipatu beharra dago, nahiz eta arazoa irakasleak joan ziren momentuan gertatu, haiek bertan egonez gero, berdina gertatu ahal izango zela; jatetxeko mahaiak eta aulkiak apurtu zituzten ikasleak oso astoraturik baitzeuden momentu horretan eta, ziur aski, irakasleak bertan egonda ere ezin izango zuten ezer ere ez egin. Beraz, esan dezaket, irakasleen presentzia ez dela baliabide teknikoa horrelako gauzarik edo arazorik ez gertatzeko.

KIMBERLY CASTRO PEREIRA - INGURUNEA

INGURUNEA: Ikusten al duzue erlazioarik ingurunearekin (ingurune administratiboa, ingurune hurbila…)?

Inguruneari dagokionez, egoera honetan eragina duela esan beharra dago. Egoeraren hasiera Ipintza Insitutuan garatzen da; nire ikastetxean. Hau gipuzkoako herri txiki batean kokaturik dago, Bergaran hain zuzen ere. Bergaran, hiru ikastetxe desberdin daude, oso ingurune desberdinetan kokaturik. Hau, Ipintza Insitutua, Bergarako kanpoaldean kokaturik dago eta Bergarako ikastetxe publiko bakarra da. Hori dela eta, herriko toki guztietako ikasleak bertan ikasten dute; ez bakarrik ingurukoak. Baita ere, aipatu beharra dago, ikastetxe honetara etorkin gehiago joaten direla besteak bata kontzertatua  eta bestea erlijiosoa direlako. Nire ikastetxean etorkin gehiago daude, publikoa izateaz gain, inklusioa gehien sustatzen duen ikastetxea delako. Honek guztiak egoerarekiko eragina eta erlazioa izan dezake, horrelako faktoreak jendearen portaeran eragiten baitute.

Beste alde batetik, inguruneak eragina du egoeran, eskolak jatetxearekin duen erlazioa ingurunearen araberakoa delako baita ere. Aurrerago aipatu dudan bezala, ikastetxea herri kanpoaldean kokaturik dago; eta jatetxea ere bai; hori dela eta, ikastetxetik kanpoko hainbat ekintza egitean, bertara joaten gara, egoeran azaltzen den ekintza, adibidez.

KIMBERLY CASTRO PEREIRA- KULTURA

KULTURA: Zer-nolako kultura mota (balioak, lan egiteko ohiko moduak…) antzeman daitezke gertakizun honen azpian?

Eskola kulturari dagokionez, aipatu beharra dago, honen helburuak balioak, sinesmenak...ikasleei transmititzea dela. Hau aipatu eta gero, esan beharra dago, kasu honetan, ikus daitekeela nahiz eta eskolak balore batzuk transmititu, pertsona bakoitzak era desberdinetan barneratzen dituela. Dena dela, alde batetik, eskolak inposatzen duen kultura bete egiten da. Eskola gehienetan berdintasuna aldarrikatzen da eskola-kulturan eta egoera honetan zuzendaritza taldeak era egokian jokatzen du, eskola kulturaren atal horrekin jarraituz. Zer gertatu den jakin eta gero, beraien artean hitz eginez, akordio batera heltzen dira eta ikasleei komunikatzen diete. Momentu horretan, berdintasuna aldarrikatuz, guztiei biltzen digute egoeraren berri emanez, nahiz eta guk aurretik jakin zer gertatu zen jatetxean.

Berdintasuna aldarrikatzen dutenez, guztiei berdin tratatzen digute hasiera batean, ez zekitelako zeintzuk izan ziren egoera horren errudunak. Ondoren, errudunak agertu eta gero, justuena egiten dute: zer-ikusirik ez zuten ikasleak egoeratik at utzi, ez baitzuten errurik. Azkenean, berdintasunarekin jarraituz, errudun guztiak zigor bera izatea erabakitzen dute; nahiz eta batzuen parte hartzea handiagoa izan jatetxean geratutakoan.

KIMBERLY CASTRO PEREIRA - EGITURA

EGITURA: Zer esan genezake kasu honetan egituraren eraginkortasunari buruz?

Kasu honetan, egiturari dagokionez, zuzendaritza taldeak eta ikasleak hartzen dute parte. Lehenik eta behin, zuzendaritza taldeak plan bat garatzen du egoerari aurre egin ahal izateko; kasu honetan haien artean egoerari nola aurre egin adostuz. Ikasketa burua, zuzendaria eta idazkaria (zuzendaritza taldea osatzen duten partaideak) biltzen dira eta erabaki bat hartzen dute: ezer egin edo finkatu aurretik, gurekin, ikasleekin, berba egitea egoeraren berri emateko. Momentu honetan, egituraren beste zatiak parte hartzen du: ikasleak. Ikasleak, kasu honetan, egituraren barne sartuko nituzke haiek ere bildu egiten direlako egoerari buruz hitz egiteko asmoz eta konponbidea bilatzeko helburuarekin. Horretarako, zuzendaritza taldeak denbora-tarte bat eskaintzen die. Azkenik, ikasleak bildu eta gero, errudunak irtetzen dira eta zuzendaritza taldea berriz ere biltzen da arazoa konpontzeko, kasu honetan, errudunak zigortzeko. Aipatu beharra dago, nahiz eta egiturak kasu honetan eraginkortasuna izan, atal honetako hainbat partaidek ez dutela parte hartu. Egoera honetan zuzendaritza taldeak eta ikasleak soilik parte hartzen dute, baina egiturari erreparatuz, nire ustez, tutoreek ere parte hartu beharko zuten hauek ikasleak hobeto ezagutzen dituztenak baitira.

KIMBERLY CASTRO PEREIRA - BALIABIDEAK

BALIABIDEAK: Giza-baliabideak, baliabide materialak (espazioa eta material didaktikoa), eta baliabide funtzionalak (denbora, dirua eta prestakuntza). Nola erabili dura kasu honetan?

Giza baliabideei dagokienez, era egokian erabili dira kasu honetan. Jatetxekoek eskolara deitzen dute gertatutakoa kontatuz eta bertan, zuzendaritza taldekoek erantzunkizuna hartzen dute. Ondoren, bilera bat izaten dute haien artean gurekin hitz egin aurretik, eta egingo zutenari buruz erabakia hartu aurretik. Gurasoekin ere bilera bat izaten dute geratutakoa kontatzeko. Ikasleak ere parte hartzen dute, haien artean batzen baitira erabaki bat hartzeko asmoz. Hau guztia aipatuta izanik, argi ikus daiteke kasu honetako giza-baliabideak ondorengoak direla: Zuzendaritza taldea (zuzendaria, ikasketa burua eta idazkaria), ikasleak eta gurasoak.

Baliabide materialei dagokienez,espazioa, kasu honetan, bi ingurunetan desberdindu dezakegu; alde batetik, jatetxea eta, bestetik, ikastetxea; bertako antzokia hain zuzen ere. Beraz, espazioa bi zatitan banatuta izanik, esan beharra dago era egokian eta desegokian erabilia izan dela. Alde batetik, jatetxeko espazioa ez dela era egokian erabili argi ikusten da egoeraren azalpenean; bertan, ikasle batzuk materiala apurtzen baitute jarrera desegokia izanez. Beste alde batetik, ikastetxeko espazioa era egokian erabilia izan da jaialdia burutzerako orduan.

Azkenik, balaibide funtzionalei dagokienez, denbora eta prestakuntzan zentratuko naiz. Denborari dagokionez, kasu honetan, era egokian erabili da. Alde batetik, jaialdia ordu finko batean amaitzeko epea genuen eta hura bete egin  genuen jaialdian burutu behar ziren ekintza guztiak eginez. Dena dela, beste alde batetik, jatetxetik bota zigutenez, bertan ez ginen egon eman behar genuen denbora. Denborari dagokionez ere, aipatu beharra dago, arazoari konponbidea emateko zuzendaritza taldeak ondo kudeatzen duela. Gertatutakoaz jakinarazten digutenez, denbora tarte bat uzten digute gure artean hausnartzeko eta azkenean errudunak irtetzen direnez, denbora ondo kudeatzen dutela esango nuke. Prestakuntzari erreparatuz, egoera honi dagokionez,  ikasleen prestakuntza egokia dela esango nuke; jaialdian behintzat guztia ondo atera baitzen. Dena dela, ikastetxearen prestakuntzari dagokionez, ez zen egokia izan, jatetxean gurekin momentu oro irakasle bat gutxienez egon behar zelako eta guztiek alde egin zutelako amaitzeko ordua heldu baino lehen. Prestakuntzari erreparatzen jarraituz, aipatu beharra dago zuzendaritza taldearen aldetik ondo kudeatuta dagoela; hauek  hainbat bilera izaten dituztelako ikasle, guraso, irakasle etabarrekin arazoari konponbidea bilatzeko helburuarekin; eta, azkenean, helburu hori lortzen dute.

Ingurunea-Iosu Diaz Arizmendi

Ingurunea: ikusten ahal duzu erlazioarik ingurunearekin (ingurune administratiboa, ingurune hurbila…)?

Lehenik eta behin, esan beharra dago inguruneak ez duela eragin handirik egoera honetan. Atal honetan Aranzadi ikastola aipatu dezaket, nik ikasitako ikastola. Aranzadi ikastola gipuzkoako herri txiki batean kokaturik dago, Bergaran. Ikastetxe hau kontzertatua da eta herri erdialdean kokatuta dago. Kontzertatua izanik, maila- sozio-ekonomikoak garrantzia du; bertara joaten diren ikasleen eskonomia-maila erdi-goi mailakoa izanik. Hori dela eta, aipatu beharra dago,  bertara ez direla atzerritar eta ijito asko joaten. Azkenik, aipatu beharra dago baita ere gurasoek, haien maila ekonomikoaren ondorioz,  haien seme-alabeei eskolaz kanpoko hezkuntza eskaini ahal dietela.

Beste alde batetik, Donostiako Euskal Herriko Unibertsitatea ere ingurunearen barneaan sar dezakegu. Ingurune honek eragina du, bigarren selektibitatera joan nintzelako eta hori bertan gauzatzen delako. Bertara, lehenengo selektibitatea egiten ez duten gipuzkoako ikastetxe guztietako ikasleak joaten dira; beraz, maila sozio-ekonomikoak ez duela eraginik esan dezaket.

Ingurune hurbilari dagokionez, esan beharra dago hau dena Donostiako EHUko unibertsitatean gertatu zela eta notarena Bergaran, nire etxean. Gertaera hau, ikastetxearekin erlazionatzen dut, Batxilergoa amaitu ostean egin beharreko azterketak direlako eta etorkizunerako baliogarriak direlako.

Teknologia-Iosu Diaz Arizmendi

Teknologia: zeintzuk erlazio bila daitezke kasu honetan?

Teknologiari buruz hitz egiten dudanean, egoera hau azterketa batzuk egitean oinarritzen denez, bakoitzaren jakintasuna neurtzeko erabiltzen den metodoa izanik, hau teknikoa dela esan dezaket. Izan ere, azterketaren helburua bakoitzak dakiena neurtzea denez, helburua hau betetzea ez dago ez irakaslearen esku ezta ikaslearen esku ere. Egia da, ez dela berdina nork egiten duen azterketa emaitzaren aldetik, baina honek ez du zer ikusirik baliabide honen helburua aldatzen ez delako.

Nahiz eta egoera honen barruan ez agertu, azterketetan sartu baino lehenago bakoitzaren izen abizenak entzutean gelara sartu behar zinen irakasleak ezarritako lekuetan. Hau ere, teknikoa dela esan dezaket, lista pasatzearen helburua azterketara zein joan den jakitea da baina lista hori nork pasatzen duen eta azterketa egitera nor joaten den ez du eraginik erabilitako teknikaren helburuan.

Kultura-Iosu Diaz Arizmendi

Kultura: zer  nolako kultura mota (balioak, lan egiteko ohiturak…) antzeman daitezke gertakizun honen azpian?

Kulturari dagokionez, aipatu beharra dago eskola kulturak garrantzi handia duela. Eskola kulturaren barnean balioak, sinesmenak, ohiturak… sartu ditzakegu; ikasle bakoitza era desberdin batean hezitzeko helburua izanik. Kasu honi dagokionez, kulturaren eginbeharrak betetzen dira, eskolan balioak, sinesmenak...transmitituz egoera aurrera eramaten baita.

Ikastetxean ikasle guztiei balio berdinak transmititzen dizkiete baina guztiek ez dute era berean barneratzen balio horiek. Aipatu beharra dago, ikastetxean gehien aldarrikatzen den balioa berdintasuna dela; hori dela eta, guztiei era berean ebaluatzen digute; kasu honetan, selektibitatearen bidez. Dena dela, bertan, bakoitzak barneratutako balioak era desberdinetan isladatzeko edo transmititzeko aukera ematen digute.

Hau guztia aipatu eta gero, esan beharra dago, egoera honeta eskola kulturak bere papera betetzen duela.

Egitura-Iosu Diaz Arizmendi

Egitura: zer esan genezake kasu honetan egituraren eraginkortsunari buruz?

Kasu honetan, egiturari dagokionez, tutorea aipatu dezaket; Mikelo, hain zuzen ere. Bera izan zen gehien lagundu ziguna azterketako egun berean haren laguntza eskainiz; oso lagungarria izan zena. Dena dela, egituran, beste irakasleak ere parte hartzen dute; Mikelok ematen ez zigun ikasgaietakoak: euskerakoa, ingelesekoa eta gaztelaniakoa; haien prestakuntza eta laguntzari esker azterketa gainditzea lortu nuelako eta azterketa eguna heldu baino lehen haiek izan zirelako gure zalantzak argitzeko prest egon zirenak.

Baliabideak-Iosu Diaz Arizmendi

Baliabideak: giza baliabideak, baliabide materialak (espazioa eta material didaktikoa) eta baliabide funtzionalak (denbora, dirua eta prestakuntza). Nola erabili dira kasu honetan?

Giza baliabideei dagokioenez, gurasoak, irakaslea eta ikasleak aipatu ditzakegu. Irakasleak, multzo honetan sartzen dira, haiei esker prestakuntza egoki bat jaso nuelako azterketa gainditzea lortuz. Irakasleen artean, Mikelo irakaslea da egoera honetako baliabiderik esanguratsuena; azterketa egunean bera agertu baitzen gutaz arduratuz eta azkenengo azalpenak emanez. Azalpen horien artean, ikasgai bateko bi gai azaldu zizkigun eta horietako bat azterketan sartu zen; beraz,  egoera honetako giza baliabide garrantzitsu bat dela esan dezaket oso lagungarria izan baitzen momentu horretan. Ikasleei dagokienez, aipatu beharra dago giza baliabide esanguratsua ere izan zirela guztion artean zalantzak argitzea lortu genuelako; elkarren arteko laguntza eskeiniz. Gurasoen aldetik, haien parte hartzea ezinbestekoa izan zen haiek izan zirelako Bergaratik Donostiara eramaten zigutenak; baita  lasaitasuna transmititzen zigutenak ere; haiek, alde batetik, gu baino urduriago egon arren.

Baliabide materialei dagokienez, egoera honetan ez daude asko; dena dela, aipatu beharra dago,  egoera hau Donostiako Euskal Herriko Unibertsitatean gauzatu zela. Materialari erreferentzia eginez, apunteak aipatu beharko lirateke; horiek erabiliz azterketako prestakuntza on bat lortu nuelako.

Azkenik, baliabide funtzionalak aipatu behar dira. Atal honetan irakasleek emandako prestakuntza aipatu dezakegu; izan ere, haiek emandako erraztasun eta laguntzei esker, azterketa gainditu nuen. Beste alde batetik, ikasten emandako denbora ere aipatu dezaket; nahiz eta denebora hori gutxi izan. Aipatu beharra dago, uda hasiera zela eta nire lagun guztiak jada oporretan zeudela; beraz, ikasten ez nuen denbora askorik eman. Nire aldetik ere prestakuntza bat egon zen, apunteak hartzea eta horiek ordenatzea eta zuzentzea hain zuzen ere.

Helburuak-Iosu Diaz Arizmendi

Helburuak: ba ahal du gertatutakoak erlazioari zentroko helburuekin?

Lehenik eta behin, zentroko helburuak aipatu behar dira:

• Ikasleen artean bizikidetza arauak sustatu.
• Ikasle-ikasle arteko elkarreragina bultzatu.
• Ikasle-irakasle elkarreragina bultzatu.
• Ikasleen artean autonomia sustatu.
• Euskararen erabilera sustatu.
• Etorkizun akademikorako prestakuntza jasotzea

Hauek, zentroko helburuetariko batzuk baino ez dira; beste askoz gehiago baitaude. Hauek kontuan izanik, esan beharra dago batzuk ez dutela zer ikusirik egoerarekin. Beste batzuk, berriz, erlazio zuzena dute; hala nola: etorkizun akademikorako prestakuntza jasotzea, euskararen erabilera sustatzea eta ikasleen artean autonomia sustatzea.

Lehenengo helburuari dagokionez, erlazio zuzena du ikastetxean jasotako prestakuntzari esker, azterketa gainditu nuelako; goi mailako ikasketa ezberdinak jasotzeko ateak irekiz; hau da, etorkizunerako prestakuntza akademikoa lortuz. Bigarren helburuari erreferentzia eginez, zentroak bere betebeharrak lortzen ditu; ikastetxean euskararen erabilera bultzatuz, euskaraz autonomimoki espresatzeko gaitasuna lortu nuen; azterketan hori isladatuz.  Azkenengo helburuari dagokionez, aurrekoarekin ere erlazioa du. Ikastetxean autonomikoki jarduten erakusten digute, horri esker, azterketa era autonomoan egiteko gai izan nintzen.