Ingurunea- Iñigo Álvarez Piñero

INGURUNEA

Ingurunea eta honen eragina ez da gehiegi nabarmentzen kontakizunean, hala ere, ezagutzen dut.

Alde batetik, nire eskola Portugaleten dago. Kontuan izanda ezkerraldeko Ikastola handiena dela, bertan ikasten dituzten ikasle gehienak ezkerraldean bizi dira. Ikasleak klase ertaineko familiakoak dira eta hori dela eta, berdintasun handia egoten da normalean ikasleen artean. Lehen aipatu dudan bezala, nahiko zentro handia da eta horregatik batzuetan zaila da ikasle eta irakasle guztien artean hurbiltasuna izatea.

Nahiz eta herri handi batean kokatuta egon, aipagarria da Ikastola nahiko zabala dela eta naturarekin kontaktuan egoteko zelai handiak dituela.

Beste aldetik, aipatu beharra dago kontakizunaren protagonisten ingurunea. Bi ikasle gatazkatsuak Portugaletekoak dira eta beste ikasle guztiek ezkerraldean zehar (Santurtzi, Portugalete, Sestao, Barakaldo) bizi dira. Zuzendariaren bizilekua ez dut ezagutzen, baina badakit tutorea Getxon bizi dela.